Interferencies llingüístiques nos Libros de los Expósitos del Real Hospiciu d'Uviéu: una muestra de los sieglos XVIII y XIX

Resumen

L’Hospiciu d’Uviéu, fundáu nel añu 1752 col envís d’acoyer a los neños que s’abandonaben pel territoriu asturianu, xeneró a lo llargo de los sos 200 años d’actividá un gran volume de documentación. Ente ello, destaquen los Libros de los Expósitos, onde la inclusa llevaba cuenta de los datos vitales más importantes de cada neñu espuestu. Estos Libros... tienen un interès llingüísticu bien fondu pues, pese a tar escritos en castellán, amuesen abondes interferencies producíes pola llingua asturiana. L’oxetivu d’esti trabayu céntrase entós nel analís de les estremaes interferencies que se reconocen de la llingua tradicional d’Asturies, caracterizada por un contactu diglósicu cola llingua de mayor prestixu (la castellana), atendiendo a los planos fonéticu, morfosintácticu y léxicu. Detéctense asina fenómenos asturianos como la palatalización de [l-] llatina, la espresión de la continuidá del sustantivu pentemedies de les concordancies de «neutru de materia» o la presencia mayoritaria de formes verbales simples frente a les compuestes.